IP Address သိကောင်းစရာ

အင်တာနက်ချိတ်ဆက် အသုံးပြုရာမှာဖြစ်ဖြစ် ကွန်ရက်ချိတ်ဆက်ရာမှာဖြစ်ဖြစ် Internet Protocol (IP) လို့ခေါ်တဲ့ နံပါတ်တစ်ခုခု လိုအပ်ပါတယ်။ ဒီနံပါတ်တွေဟာ တစ်ခုနဲ့ တစ်ခု တူညီလို့ မရပါဘူး။ တူညီခဲ့လို့ရှိရင် နံပါတ်တွေတစ်ခုနဲ့ တစ်ခုတိုက်ပြီး ဆက်သွယ်လို့ မရတော့ပါ။ ဒါကို IP Conflict လို့ခေါ်ပါတယ်။ ဥပမာအားဖြင့် တယ်လီဖုန်းနံပါတ်နှစ်ခု တိုက်သွားတဲ့သဘော ဖြစ်ပါတယ်။

ယခင်က အသုံးပြုခဲ့တဲ့ အင်တာနက်နံပါတ်(IP) အမျိုးအစားက Internet Protocol Version 4 ဖြစ်ပါတယ်။ ဒါကို IPV4 လို့ခေါ်ပါတယ်။ IPV4 အမျိုးအစားဟာ 32Bit အမျိုးအစားဖြစ်ပါတယ်။ Zero ကနေ 255 အထိ ပါဝင်ပြီး နံပါတ်တစ်ခုမှာ အစက် (Dot) လေးတွေနဲ့ခြားကာ ပါဒလေးခုရှိပါတယ်။ ဥပမာအားဖြင့်- 255.255.255.255 ဖြစ်ပါတယ်။ ဆယ်လီစိတ်ဂဏာန်း 255 ကို ဒွိစုံကိန်းစနစ် (Binary) အဖြစ်ပြောင်းကြည့်မယ်ဆိုရင် 255 (Dec)=11111111 (binary) နဲ့ ညီတာကို တွေ့ရပါလိမ့်မယ်။ ဒါကြောင့် အောက်ပါအတိုင်း အင်တာနက်နံပါတ်ကို တွေ့မြင်နိုင်ပါတယ်။

Decimal  255.255.255.255

Binary     11111111.11111111.11111111.11111111 (32 Bit)

ဒါကြောင့် Binary တန်ဖိုး တစ် ၃၂ လုံးကို ဆယ်လီစိတ်စနစ်နဲ့ ပြောင်းကြည့်မယ်ဆိုရင် 4,294,967,296 တန်ဖိုး ရရှိမှာ ဖြစ်ပါတယ်။ အင်တာနက် ချိတ်ဆက်နိုင်မယ့်နံပါတ် သိန်းပေါင်း (၄,၃၀၀) နီးပါး ရှိပါတယ်။ ဆိုလိုတာက ကွန်ပျူတာအလုံး သိန်းပေါင်း ၄,၃၀၀  နီးပါးချိတ်ဆက်နိုင်မယ်လို့ ပြောတာဖြစ်ပါတယ်။ IPV4 မှာ အသုံးပြုချိတ်ဆက်နိုင်မယ့် အတန်းအစား A,B,C,D,E ဆိုပြီး ငါးမျိုးခွဲခြားထားပါတယ်။ ဥပမာအားဖြင့် Class C အမျိုးအစားတစ်ခုကို ဖော်ပြလိုက်ပါတယ်။

စမှတ် Start Address 192.0.0.0 မှ
ဆုံးမှတ် End Address 223.255.255.255
စုစုပေါင်း အရေအတွက် 2,097,152 ဖြစ်ပါတယ်။

တစ်နေ့ထက်တစ်နေ့ အင်တာနက်ချိတ်အသုံးပြုတဲ့ နိုင်ငံတွေများလာတဲ့အတွက် ထပ်မံတိုးချဲ့ဖို့ Internet Protocol Version 6 (IPV6) ကို ၁၉၉၅ ခုနှစ်လောက်မှာ တီထွင်ခဲ့ပါတယ်။ IPV6 ဟာ 128 Bit ရှိပြီး ကွန်ပျူတာအလုံးပေါင်း (3.403 x 10³⁸) အထိ အသုံးပြုနိုင်ပါတယ်။ IPV6 ရဲ့ အင်တာနက်နံပါတ်တွေကို ဖော်ပြရာမှာ ဆယ်လီစိတ်ကိန်းစနစ်ကို အသုံးမပြုဘဲ ဆဌမကိန်းစဉ် (Hexadecimal) နဲ့ ဖော်ပြမှာဖြစ်ပါတယ်။

ဥပမာ- 2001:0D8B:AC10:BAA1:0000:0000:0000:0000 ဖြစ်ပါတယ်။

တချို့နိုင်ငံကြီးတွေမှာ IPV4 ကို အသုံးမပြုတော့ဘဲ IPV6 ကို စတင်သုံးစွဲနေပြီဖြစ်ပါတယ်။ မြန်မာနိုင်ငံအတွင်းမှာ အသုံးပြုနေတာကတော့ IPV4 ဖြစ်ပါကြောင်း အိုင်တီဗဟုသုတအဖြစ် ဖော်ပြလိုက်ပါတယ်။

Posted in: GENERAL,Website Guide