အာရှတွင်း ၇ နိုင်ငံ အသိအမှတ်ပြု အိုင်တီအင်ဂျင်နီယာ AP စာမေးပွဲကို ပထမအကြိမ်အဖြစ် အောက်တိုဘာလတွင် မြန်မာနိုင်ငံ ကွန်ပျူတာ အသင်းချုပ်မှ ကျင်းပပေးမည် ဖြစ်ကြောင်း သိရသည်။
၎င်းစာမေးပွဲကို မြန်မာနိုင်ငံ ကွန်ပျူတာအသင်းချုပ်မှ ဂျပန်နိုင်ငံ IDAအဖွဲ့နှင့် ပူးပေါင်း စစ်ဆေးခြင်း ဖြစ်ပြီး ပုံမှန် စစ်ဆေးသည့် စာမေးပွဲများ အစားတွင် ထပ်မံ ထည့်သွင်းခြင်း ဖြစ်ကြောင်း ယင်းအသင်းချုပ်မှ တာဝန်ရှိသူတစ်ဦးထံမှသိရသည်။
”ပုံမှန်က (FE)နဲ့ IT Passport စာမေးပွဲနှစ်ခုပဲ စစ်ပေးတာ။ ဒီနှစ်မှ ဒါကိုထည့်ပေးတာ ဒေသတွင်း နိုင်ငံတွေနဲ့ တစ်ပြေးညီဖြစ်သွားအောင်လို့ပါ။ ဒီအတွက် သင်တန်း ပေးထားပြီးပါပြီ”ဟု တာဝန်ရှိသူတစ်ဦးက ပြောသည်။
အာရှနိုင်ငံများ အတွင်း အရည်အချင်းမီ အိုင်တီပညာရှင်များ ပေါ်ထွက်ရေးကို ရည်ရွယ်၍ မြန်မာ၊ ထိုင်း၊ ဗီယက်နမ်၊ မွန်ဂိုလီးယား၊ မလေးရှား၊ ဖိလစ်ပိုင်နှင့် ဂျပန်နိုင်ငံ တို့ ပူးပေါင်းကာ ၂ဝဝ၅ ခုနှစ်မှစ၍ သတင်း အချက်အလက်နှင့် နည်းပညာ ကျွမ်းကျင်မှု စာမေးပွဲကောင်စီ ကိုဖွဲ့စည်းခဲ့ပြီး နှစ်စဉ် ဧပြီလနှင့် အောက်တိုဘာလများတွင် တစ်ပြေးညီ ကျင်းပခဲ့ကြောင်း ထိုအဖွဲ့မှ ထုတ်ပြန်သည့် စာရင်းများအရ သိရသည်။
၂ဝဝ၅ ခုနှစ်မှ စတင် စစ်ဆေးမှုများကို မြန်မာနိုင်ငံမှ ပြုလုပ်ခဲ့သော်လည်း ကျောင်းသားများ အနေဖြင့် စိတ်ဝင်စားမှု မရှိခြင်း၊ လေ့လာမှတ်သား သင်ယူမှု အားနည်းခြင်း များကြောင့် အိုင်တီ စာမေးပွဲများ၏ ဝင်ရောက် ဖြေဆိုမှုနှုန်းနှင့် အောင်မြင်မှု နှုန်းများမှာ ဆက်တိုက် ကျဆင်းနေကြောင်း အိုင်တီ အသိုင်းအဝိုင်းမှ စုံစမ်းသိရှိရသည်။
0 comments:
Post a Comment
Thankyou for visiting my site.