This, Too, Shall Pass Away

 
လူတွေမှာ အစွဲကလေးတွေ ရှိတတ်ကြသည်။
"အယူအဆစွဲ၊ လူမျိုးစွဲ ဒေသစွဲ စသဖြင့်။ အဲသည်အထဲမှာ အားအကြီးဆုံးက ငါစွဲ "
ကိုယ့်ဘာသာကိုယ်တော့ မျှမျှတတ မှန်မှန်ကန်ကန် မြင်သည် ဟု ထင်တတ်ကြသည်။
သို့သော် ပြောရာဆိုရာ လုပ်ကိုင်ရာများမှာ သတိထားပြီးကြည့်လျှင် တစ်ဖက်ဖက် လိုက်နေမိတာတွေ ၊
အစွဲကလေးနဲ့ ဆုံးဖြတ်မိတာတွေရှိနေတာတွေ့ရလိမ့်မည်။      လူတွေမှာ ရှိတတ်ကြသည့် အဲသည်သဘောကို   Tom Knight  ဆိုသော ပုဂ္ဂိုလ်က အခုလို ရေးသည်။
စဉ်းစားကြည့်ရင် ရယ်စရာဗျ ။

ဟိုလူတွေ အလုပ်တစ်ခုကို အကြာကြီး အချိန်ယူပြီး လုပ်နေရင် သိပ်နှေးကွေးတဲ့လူလို့ ပြောတယ်။
ကိုယ်ကြာနေရင်တော့ အဲဒါ စေ့စပ်သေချာတာ တဲ့။

ကိစ္စတစ်ခု ဟိုလူမလုပ်ရင် ပျင်းတာ၊
ကိုယ်မလုပ်တာက အလုပ်များလို့ ။

ကိစ္စ တစ်ခုကို သူ့လုပ်ပါ မပြောဘဲနဲ့ ဟိုလူထလုပ်ရင် အဲဒီလူ ဘောင်ကျော်တာ။
ကိုယ်လုပ်တာဆိုရင်တော့ အလုပ်လပ်မြင်တာ၊ လုပ်သင့်တဲ့အလုပ်ကို ကုယ့်ညဏ်နဲ့ကိုယ် တီထွင်ကြံဆပြီးလုပ်တတ်တာ။

ဟိုလူက သူ့အယူအဆကို ကြောက်အကန် ပြောနေရင် အဲဒါ တစ်စောက်ကန်း တစ်ယူသန်။
ကိုယ် ဆိုရင်တော့ သဘောထား ပြတ်သားခိုင်မာတာ ။

အစဉ်အလာကျင့်ဝတ်စည်းကမ်း တစ်ခုတလေ ဟိုလူချိုးဖောက်ရင် အဲဒီလူယဉ်ကျေးမှု မရှိတာ၊
ကိုယ်ဂရုမစိုက်ခဲ့ရင်တော့ ဟာ..... မရဘူး ၊ ကျွန်တော်က ကိုယ့်ပုံစံနဲ့ ကိုယ်ပဲ။.... တဲ့ ။ ။

လူတွေ အတော်တော်များများပင် အဲသည် အတိုင်းပဲဟု သင်မြင်မိလိမ့်မည်။ သင်ကိုယ်တိုင်ကော ဘယ်လိုရှိပါသလဲ ။  ။

 လူတွေမှာ ကိုယ့်ကိုယ် ကိုယ် အထင်ကြီးသည့် စိတ်၊ ကြွားဝါတတ်သည့် စိတ်၊
ကိုယ့်လူဘက်က မသိမသာ ဖြစ်စေ သိသိသာသာဖြစ်စေ ဘက်လိုက် ချင်တတ်သည့် စိတ်တွေ
ရှိတတ်ကြကြောင်း အားလုံးအသိဖြစ်သည်။

 ကိုယ့် အယူအဆ ကိုယ့်အမြင်ဆိုလျှင် မှန်သည်၊ မျှတသည်၊ အစွဲအလမ်းကင်းသည်၊ ကျိုးကြောင်းသင့်မြတ်သည်၊ ဓမ္မဓိဌာန်ကျသည် ၊ Objective ဖြစ်သည်ဟူ၍ ထင်မှတ်တတ်ကြသည်။ သို့သော် လက်တွေ့တွင် လူတိုင်းလိုပင် အစွဲအနည်း နှင့် အများပါတတ်ကြသည်၊ ကိစ္စတစ်ခုကို ကိုယ်သန်ရာ သန်ရာ ရှုထောင့်မှ အကဲဖြတ်သတ်မှတ်တတ်ကြသည်၊ တစ်နည်း ဆိုရသော် Subjective ( ပုဂ္ဂလဓိဌာန်)။

   လူတွေ၏ သဘောထားအမြင်များ၊ ရှုမြင်သုံးသပ်ချက် ရပ်တည်ချက်များဟူသည် ၎င်းတို့ ဘယ်အရာတွေကို ဘယ်လောက်တန်ဖိုးထားသည် မထားသည်၊
ဘာတွေ ကို ကောင်းသည် မှန်သည်ဟု မှတ်သား ခံယူခဲ့၍ ဘယ်ဟာတွေသည် မကောင်းမမှန်ဟု စွဲလန်းယုံကြည်ထားခဲ့သည်။
သူ့အား ဘယ်ကာလ ဘယ်ဒေသမျိုးမှာ မွေး၍ ဘယ်ပတ်ဝန်းကျင်မျိုးမှာ သူဘယ်လိုကြီးပြင်း လာခဲ့သည်ဟူသော
အချက်များပေါ်တွင် များစွာ မူတည်နေတတ်သည်။

စင်စစ် နေရာတကာ ဓမ္မဓိဌာန်ကျကျ (ယတာဘူတကျကျ) စဉ်းစား ဖြစ်ဖို့ သည် လူတစ်ယောက် အတွက် မလွယ်ကူပါ။ ။
သင်ကော အကြောင်း ကိစ္စတွေ အပေါ် မည်မျှ ဆန္ဒစွဲ အမြင် (ပုဂ္ဂလ ဓိဌာန်) ကင်းစွာ ရှုမြင်သုံးသပ်လေ့ ရှိပါသလဲ။ ။

 ကျွန်တော် အရမ်းကြိုက်တဲ့ proverb ပြောရမလား slogan ဘဲ ပြော ရမလားတော့ မသိပါ။ စာသား ကလေး တစ်ခု ပါ။
 " This, too, shall pass away."  
ဒါလည်း ပြီးသွားမှာပါ၊ တဲ့။
စာသားက ရိုးရိုးလေးပါ။
သို့သော် တန်ခိုးရှိသည်။

လူမှုရေး၊ စီးပွားရေး ၊ ကျန်းမာရေး စသည်ကြောင်း တစ်စုံတစ်ရာကြောင့် စိတ်ထဲ အနှောင့်အယှက် ဖြစ်ကာ တနုံနုံ တွေးနေမိသည့် အခါမျိုးတွင် သည်စကားလေး ခေါင်းထဲပေါ်လာလျှင် စိတ်ထဲ ပေါ့ပါးသွားတတ်သည်။
အချိန်တန်ရင် ပြီးသွားမှာပါကွာ၊ ပူမနေပါနဲ့ သည်စကားလေးက နှစ်သိမ့်အားပေးသည်။
အားပေးရုံဘဲလား ဆိုတော့ မဟုတ်ပါ။

သိပ်အားတက်နေ ဝမ်းမြောက်နေ တစ်ကိုယ်တည်း ပီတိတွေ ဖြာနေမိသည့် အခါမျိုး မှာလည်း ကိုယ်ရှိန်သတ် နိုင်အောင် သူက သတိဖော်ပေးသည်။   ဟေ့ .... သိပ်ကြည်နူးမနေနဲ့ ကိုယ့်လူ၊ ဒါလည်း အချိန်တန်ရင် ပြီးသွားမှာ။ ။

တန်ဖိုးရှိလှသည့် စကား ။ လောကကြီးထဲမှာ သင့်တင့် လျောက်ပတ်စွာ နေတတ်အောင် တစ်ခွန်းတည်း နှင့် နှစ်ဖက်နှစ်လမ်း ညှပ်ပိတ်ထိန်းထား ပေးသော စကား ။ ။

" This , too, shall pass away."

Posted in: